Bakı Metropoliteni Idarəsinin rəisi Tağı Əhmədovun keçirdiyi mətbuat konfransının gedişində metropolitenin 2001-ci ildəki fəaliyyətinin yekunları və cari il üçün planları barədə məlumatlar səslənmişdir. Onun dediyinə görə Bakı metropoliteni üçün 2001-ci il sərnişin daşınması üzrə plan göstəricilərinin 108% yerinə yetirilməsi ilə əlamətdar olmuşdur. Jari ildə metronun daha səmərəli işləyəcəyi proqnozlaşdırılır, bu da metropoliteni rəhbərliyinin müəssisənin vaqon parkını yeniləşdirmək niyyətləri ilə bağlıdır.

 Bu saytda siz Bakı şəhər sərnişin nəqliyyatının keçdiyi mərhələlər, Bakı metropoliteninin əmələ gəlməsi və işi, Bakı metropoliteninin inkişaf sürəti barədə müfəssəl məlumat öyrənə bilərsiniz. Siz onun gələcək inkişaf perspektivləri, texniki təchizatının daha gücləndiriləcəyi barədə məlumatları da əldə edə bilərsiniz. Sayt çox vacib şəhər sərnişin nəqiyyatının canlı tarixidir.

 Suveren Azərbaycanın paytaxtı müasir Bakı yaxın Şərqin ən böyük şəhərlərindən biridir. Təbii amfiteatrın ərazisində yerləşən şəhər 150 km2 ərazini tutur və dəniz buxtası boyunca təxminən 20 km uzanıb gedir.
Bakı və neft bir-birindən ayrılmayan anlayışlardır. Neft yataqlarının mövcudiyyəti Abşerona fəhlə axınına səbəb olmuşdur. Burada neftçıxarma və neft emalı, energetika, maşınqayırma, kimya, metaltökmə kimi sənaye sahələri inkişaf etmişdir. Xəzərin böyük limanlardan biri olan şəhərdə gəmiqayırma sahəsi də əmələ gəlmişdir. Sənaye obyektlərinin ətrafında fəhlə qəsəbələri yaranmışdır. 30-cu illərin əvvələrində Bakı təkcə Qafqazın deyil, həm də bütün keçmiş SSRI-nin əhalisi çox olan sənaye, mədəni və elmi mərkəzlərindən birinə çevrilmişdir. Buna görə də Moskva və Leninqrad şəhərlərində metropoliten tikintisindən sonra hələ 1932-ci ildə Bakı şəhərinin inkişafının baş planının ilkin variantların da yerüstü nəqliyyatın işini yüngülləşdirmək və şəhərin dar-darısqal küçələrini tramvay, trolleybus və avtobus nəqliyyatından təmizləmək üçün ən sürətli və rahat nəqliyyat növünün- metropolitenin tikintisi qərara alındı.
Lakin bir qədər sonra başlanan 1941-1945-ci illərin müharibəsi həmin niyyətlərin həyata keçirilməsinə mane oldu....