Tədris prosesindən ötrü vaxtı ilə Yollar Nazirliyi sistemində nümunəvi olan texniki kabinet yaradılmışdır. Burada fəhlələr və mühəndis-texniki işçilər (MTI) hərəkət qatarlarının material hissəsini, avadanlıqları və istismar proseslərinin təhlükəsiz yerinə yetirilməsi üsullarını öyrənirlər. Lokomotiv briqadalarının hazırlanmasından ötrü işləyən trenajorlarla avadanlıqlaşdırılmış xüsusi sinif də mövcuddur.

Bundan başqa, bütün bölmələrdə təlimatların, təhlükəsizlik texnikası və əmək mühafizəsi qaydalarının öyrənilməsi üzrə texniki kabinetlər, yaxud guşələr də var.
 Istehsalat yenilikçilərinin və səmərələşdiricilərin məhsuldar fəaliyyətindən ötrü Bakı metropolitenində texniki yeniliklərin tətbiqinə və lazımi şəraitin yaradılmasına böyük diqqət verilir. Hər il yeni texnikanın və qabaqcıl texnologiyanın tətbiqi planları işlənib hazırlanır.
Bu əmək şəraitinin yaxşılaşdırılmasına, hərəkət qatarlarının hərəkət təhlüksizliyinin və istismarının etibarlığının artırılmasına, energetik, maliyyə və material ehtiyatlarının qənaət olunmasına, həm daşınma prosesinin, həm də eskalator, ventilyasiya və nasos təsərrüfatının dispetçer idarəetmə sxemlərinin modernləşdirilməsinə imkan verir.
 Məlum olduğu kimi 1993-1995-ci illərdə Bakı metropolitenində terror aktları həyata keçirilmişdir. Nəticədə insanlar həlak olmuş, texnika, hərəkət qatarları və stansiya avadanlıqları sıradan çıxmışdır. Bu kimi halların qarşısının alınması, metroda sərnişinlərin daxil olmasına və metrodakı davranışına nəzarətin gücləndirilməsi məqsədilə hazırda bütün stansiyaların vestibüllərində, platformalarında aə eskalatorlarda göstəriciləri (dispetçer) mərkəzində və stansiya rəislərinin otaqlarında qurulan monitorlara verilmək şərtilə telenəzarət həyata keçirilir.
 Sərnişinlərə xidmət mədəniyyətinin yaxşılaşdırılması, habelə ANM-lərdən keçən sərnişin axınının düzgün hesablanması məqsədilə, məlumatların fərdi kompüterlərə və monitoralara verilməsi şərtilə gediş haqqının smart-kartlarla ödənilməsinin yeni sisteminin tətbiqi ilə birlikdə jetonların istifadə edilməsindən ötrü elektron hissəsi modernləşdirilməklə köhnə ANM-73-lərin təkmilləşdirilməsi üzrə işlər aparılır.
Istehsalat proseslərinin kompüterləşdirilməsi, xidməti yerlərdə kompüterlərin tətbiqi işin operativliyini xeyli yaxşılaşdırmışdır. Gələcəkdə Bakı metropoliteni xətlərinin uzunluğu qoşaxətli hesabdan 52 kilometrə, stansiyaların sayı isə 32-yə çatmalıdır. Vaqon parkının təmiri, detalların, qovşaqların və ehtiyac hissələrinin hazırlanması üzrə güclü mexaniki bazanın inşası ilə birlikdə şəhərin dağüstü yaylasının şimal-qərb hissəsində ikinci elektrik deposu yaradılacaq.
Iftixarla qeyd etməliyik ki, Bakı metropoliteninin fəaliyyəti həmişə Azərbaycan Respublikasının Prezidenti Heydar Əlirza oğlu Əliyevin diqqət mərkəzindədir. Vaxtı ilə onun bilavasitə nəzarəti və yardımı sayəsində Bakı metropoliteninin qazma şəraitinin ən mürəkkəb və xətlərinin uzunluğuna görə ən böyük ikinci sahəsi istismara verilmişdir. Metropolitenin ehtiyac, çətinlik və problemlərinə dərindən bələd olan Heydər Əlirza oğlu Əliyev həmişə Bakı metropoliteninində bütün müraciətlərinə böyük diqqətlə və səmimiyyətlə yanaşır. Buna görə biz hörmətli Prezidentimizə hədsiz minnətdarıq və ona ən səmimi təşəkkürümüzü bildiririk.

Bakı metropoliteninin rəisi
T.M.Əhmədov